Эрүүл мэндийн сайд, Хүнс, хөдөө аж ахуйн, хөнгөн үйлдвэрийн сайдын 2010 оны 2-р сарын 8-ны өдрийн 45/36 тоот хамтарсан тушаалаар байгуулагдсан “Зоонозын халдварт өвчний хүн, мал эмнэлгийн салбар дундын зөвлөлийн төлөвлөгөөний дагуу Эрүүл мэндийн яамны харъяа Байгалийн Голомтот Халдварт Өвчин Судлалын үндэсний төв, ХХААХҮЯамны харъяа Улсын Мал Эмнэлэг Ариун Цэврийн Төв Лабораторийн 5 мэргэжилтэний бүрэлдэхүүнтэй баг Хэнтий, Дорнод аймгийн нутагт 2010 оны 8-р сарын 10-31-нд 21 хоногийн хугацаатай хамтарсан тандал судалгааг гүйцэтгэж байна.

Энэхүү судалгааны хугацаанд дээрх аймгуудын 11 суманд мал амьтнаас хүнд халдварладаг боом, галзуу, хулгана тахал, бруцеллёз, хачигт халдварын байгалийн голомтын идэвх болон хүн ам, малын халдварт өртөх эрсдэл, халдваржилтын түвшинг тогтоож, хүн, мал эмнэлгийн эмч, мэргэжилтэн болон хүн амд зоонозын халдварт өвчний талаар хамтарсан сургалт, сурталчилгааг зохион байгуулах юм.