Монгол Улсын Ерөнхий сайдын баталсан “Эрүүл мэндийн салбарт хийх цогц шинэчлэл”- ийн  төлөвлөгөөний дагуу байгалийн голомтот, мал амьтнаас хүн халдварладаг халдварт өвчнөөс сэргийлэх, эрүүл аж төрөх ёсыг хүн амд хэвшүүлэх, оношлогооны чанарыг олон улсын түвшинд хүргэх зэрэг нийгмийн эрүүл мэндын тусламж үйлчилгээндээ шинэ шинэ ажлуудыг санаачлан ажиллах болно.

Мал, амьтнаас хүнд халдварлах өвчний байгалийн  голомтын  төлөв байдал,  хүн амын дундах халдваржилтыг тандал хяналт, судалгааны ажлаар тогтоон олон улсын шинжтэй нийгмийн  эрүүл мэндийн  онц байдал үүсэхээс урьдчилан сэргийлж,  бэлэн байдлын арга хэмжээг цаг алдалгүй авч хэрэгжүүлэх,  шинжилгээ оношлогооны   шинэ арга технологийг нэвтрүүлж, судлагдаагүй байгалийн голомтыг олж тогтоон хүн амыг халдвараас эрт сэрэмжлүүлэх нь манай байгууллагын шинэчлэлийн гол зорилго юм.